«Otandastar» tsıfrly kitaphanasy ashyldy
Rýhanı ordanyń ashylýy «Otandastar qory» men Dúnıejúzi qazaqtary qaýymdastyǵy jáne QR Ulttyq akademııalyq kitaphanasynyń bastamasymen júzege asty.
Zaldyń ashylý saltanatyna kórnekti memleket jáne qoǵam qaıratkeri Myrzataı Joldasbekov, «Otandastar qorynyń» vıtse-prezıdenti Maǵaýııa Sarbasov, belgili qalamger Sultan Orazalın, túrkitanýshy ǵalym Qarjaýbaı Sartqojauly jáne qandastarymyz ben zııaly qaýym ókilderi qatysty. Sonymen qatar, saltanatty is-shara barysynda «Qazaq álemi» - «Mır kazahov» kitabynyń elektrondyq nusqasy jurtshylyqqa alǵash tanystyryldy.
«Ulttyq akademııalyq kitaphana aıasynda «Otandastar» tsıfrly kitaphanasy quryldy. Onda oqyrmanǵa qazaq dıasporasy týraly shetel ádebıeti men otandastarymyzdyń shyǵarmalary usynylǵan. Qazirgi tańda kitaphana qory 2 myń kitaptan asty. Barlyq ádebıet «Qazaqstan Ulttyq elektrondy kitaphanasynyń» tehnıkalyq platformasynda tsıfrlandy. Bul bizdiń otandastarymyzǵa álemniń kez kelgen jerinnen qalaǵan kitabyn oqýǵa múmkindik beredi», delingen habarlamada.
Іs-shara barysynda qonaqtar ózara tájirıbe almasyp, ashyq pikir almasty.
