Otan soǵysy múgedekterine arnalǵan gospıtalde memlekettik til kúnine arnalǵan jıyn ótti

ASTANA. 1 qarasha. QazAqparat - Otan soǵysy múgedekterine arnalǵan respýblıkalyq klınıkalyq gospıtalde memlekettik til kúnine arnalǵan saltanatty jınalys ótti. Bul aqparatty atalǵan gospıtaldiń baspasóz qyzmetinen habarlady.

Jıynda qazaq tiliniń qordalanǵan máseleleri jan-jaqty talqylanyp, tildi  damytý joldary qarastyryldy. Jıynnan keıin gospıtalde em alyp jatqandar arasynda «Tilge qurmet - Elge qurmet» atty konkýrs ótkizildi.  Saıysqa qatysýshylar ulttyq salt-dástúrler, maqal - mátelder, yrym - tyıymdary tóńireginde qurylǵan suraqtarǵa jaýap berip, bilim jarystyrdy. Jıyn sońynda túrli ult ókilderi qazaq tilinde ánder shyrqady.