Otan qorǵaýshylar jyl basynan beri halyqaralyq jarystardan 40 medal alyp keldi

ASTANA. QazAqparat – Bıyl jyl basynan beri qazaqstandyq áskerı qyzmetshiler 42 sport jarysynda júldeli oryndarǵa ıe boldy. Onyń 22–i halyqaralyq deńgeıde, dep habarlaıdy «QazAqparat tilshisi.

«Áskerı qyzmetshiler jyl basynan beri túrli jarystardan barlyǵy 92 medal jeńip aldy. Onyń ishinde halyqaralyq týrnırlerde 20;altyn medal, 6 kúmis jáne 14 qola medal bar»,- delingen Qorǵanys mınıstrliginiń QazAqparat agenttiginiń resmı saýalyna bergen jaýabynda.

Halyqaralyq deńgeıdegi jarystarǵa kelsek, qazaqstandyq áskerıler Morokkoda stendtik atýdan álem kýbogyna, Taılandta bokstan u-22 Azııa chempıonaty, Portýgalııada dzıýdodan gran-rrı, Bolgarııada dzıýdodan Eýropa kýbogy, jeńil atletıkadan Azııa chempıonaty (Astana), Kýveıtte stendtik atýdan Azııa kýbogy, Grýzııada dzıýdodan Grand Slam, Azııa chempıonaty Astanadaǵy kúres túrleri boıynsha, Horvatııada ótken dzıýdodan Eýropa kýbogy sonymen qatar Belarýste jabyq úı-jaıda tórt jarystan álem chempıonatyna qatysty.

Qazaqstan Respýblıkasynyń chempıonattarynda áskerı qyzmetshiler 30 altyn, 12 kúmis jáne 10 qola medal jeńip aldy.

Olar - erkin kúres, grek-rım kúresi, qoıan-qoltyq kúresi, bessaıys, alpınızm, gir kóterý, shańǵy, bıatlon, ústel tennısi, baıdarka jáne kanoe sııaqty sport túrleri boıynsha baq synasty.

Buǵan deıin otandyq ásker salasynda 7 myńǵa jýyq áıel qyzmet etip júrgenin habarlaǵan edik.

Qorǵanys mınıstrligi habarlaǵandaı, sońǵy 30 jylda adamdardy qutqarǵan 35 áskerı qyzmetshi mert boldy.