Otan qorǵaýshylar kúnimen quttyqtaý retinde qazaqstandyq áskerıler sap túzep, «7» sanyn beıneledi (FOTO)
Atalǵan aktsııa QR QK qataryndaǵy úzdik saptyq daıarlyq boıynsha ótkizgen «7 mamyr» baıqaýynyń qorytyndysy boldy. Іs-sharaǵa birneshe ásker túrleri men bólimsheleriniń áskerı qyzmetshileri qatysty. Baıqaýda úzdik daıarlyq kórsetken jeke vzvodtar men áskerı bólimder erekshe aktsııa arqyly óz sheberlikterin tanytty. Olardyń arasynda Aqtaýdaǵy 25744, Astanadaǵy 32363, Óskemendegi 27943 áskerı bólimderiniń, QR QM qurmetti kúzet rotasy, sondaı-aq QR QK arnaıy maqsattaǵy úzdik vzvodtary men QR Áskerı-teńiz kúshteriniń áskerı qyzmetshileri bar.
QR QM qurmetti kúzet rotasynyń áskerı qyzmetshileri aktsııa barysynda sapta qarý qoldanýdy kórkem túrde naqyshyna keltire oryndap, paradtyń saltanatty elementterin kórsetti. Osy oraıda, baıqaý jeńimpazdary barlyq tórt tizbektiń dál qosylýy arqyly sapqa turyp, baraban úniniń qoldaýymen Otan qorǵaýshy kúni - «7» sanyn beıneledi, dep habarlaıdy QR Qorǵanys mınıstrliginiń baspasóz qyzmetinen.