Otan qorǵaýshylar kúni: Almatyda chellendj bastady
ALMATY. QazAqparat – Almatyda órt sóndirýshileri Otan qorǵaýshylar kúnine oraı ekstremaldy jaǵdaıda áreketý etý mashyqtaryn pash etti, dep habarlaıdy QazAqparat tilshisi.
Olar urys kıimimen, salmaǵy
№1 arnaıy órt sóndirý bóliminiń qyzmetkeri órtsóndirý qoltyǵyn paıdalanyp 8 tonna sý toltyrylǵan GAZon NEXT arnaıy kóligin ornynan qozǵady.
№12 bólimsheniń qyzmetkeri «Ýral» kóliginiń 100 keli bolatyn dóńgelegin jyldamdyqpen aınaldyra otyryp, krossfıt júgirdi. Odan keıin qysymy joǵary aýada apparattan ajyramaı tar shtýrm baspaldaǵymen júrip otyrdy.
Odan keıin oqytý munarasynyń 5-qabatyna kóterildi. Osynyń barlyǵyn ol birneshe mınýt ishinde istep shyqty.
№2 órt sóndirý bóliminiń qyzmetkeri urys kıimimen qural jabdyqty kótere otyryp aýyr sport quraldarymen jattyǵý jasap kórsetti.
№5 bólim qyzmetkeri eki órt sóndirý kóliginiń ortasynda ornalastyrylǵan órt sóndirý baspaldaǵymen jorǵalap, shymyrlyǵyn pash etti.
№16 órt sóndirý bóliminiń qyzmetkeri Medeýdegi 842 baspaldaqpen kóterilip Qazaqstan Respýblıkasynyń jalaýyn jelbiretti.
«Bul kórsetilgen jattyǵýlardyń barlyǵy órt sóndirýshilerdiń qandaı TJ bolmasyn fızıkalyq, moraldyq daıyndyǵyn kórsetedi. Bul chellendjdi Almaty órt sóndirý garnızonynyń 17 bólimi ilip áketedi», - dedi qalalyq TJD.
