«Otan qorǵaýshylar» Qaraǵandy ákimi apparat basshysyn jumystan bosatýdy talap etýde

QARAǴANDY. QazAqparat - «Otan qorǵaýshylar» respýblıkalyq qoǵamdyq birlestigi Qaraǵandy ákimi apparatynyń basshysy qyzmetine taǵaıyndalǵan Nura aýdany ákiminiń 26 jastaǵy ulyn jumystan bosatýdy talap etýde, dep habarlaıdy «QazAqparat» HAA tilshisi.

«Memlekettik qyzmette jumys tájirıbesi joq jas mamandy qyzmetke taǵaıyndaý - asyǵys qabyldanǵan sheshim dep esepteımiz. Saıasatta tájirıbesiniń bolmaýy - keleńsiz nátıjelerge ákep soǵýy múmkin. Osyndaı jaýapty qyzmetke nelikten jas jigit taǵaıyndalady?», - deıdi qoǵamdyq birlestik tóraǵasynyń orynbasary Ábildá Ábdikárimov.

26 jastaǵy Baqtııar Omarhanov Qaraǵandy ákiminiń apparaty basshysy laýazymyna 9 aqpan kúni taǵaıyndalǵan edi. Onyń ákesi - Nura aýdanynyń ákimi.

Respýblıkalyq qoǵamdyq birlestik óz hatyna jaýap alýdy talap etip, sotqa shaǵymdandy.

Ákimdik baspasóz qyzmetinen atap ótkendeı, ákimniń ulynda jasyna qaramastan, atqarǵan qyzmetteri jónindegi jaqsy tizimi bar.

Bul rette, Qaraǵandy oblysy ákiminiń apparat basshysy Janat Ysqaqov atyshýly bul taǵaıyndaýǵa qatysty túsinik berdi.

«Qaraǵandy ákimi apparaty men Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń ınternet-resýrstarynda «B» korpýsyndaǵy bos ákimshilik memlekettik qyzmet ornyna baıqaý jarııalanǵany týraly habarlandyrý ilindi. Bos qyzmetke jarııalanǵan jalpy konkýrsqa tek bir úmitker - Baqtııar Omarhanov qatysty. Biryńǵaı konkýrs komıssııasy Omarhanovtyń biliktilik talaptaryna sáıkestigi týraly sheshim qabyldady. Ol áńgimelesýden ótti», - dep habarlady Janat Ysqaqov.