«Otan qorǵaýshylar» alańynda ardagerlerge merekelik dastarqan jaıyldy

ASTANA. 9 mamyr. QazAqparat - Búgin «Otan qorǵaýshylar» alańynda shatyr qalashyǵy «boı kóterdi». Tigilgen 11 shatyrda barlyq Uly Otan soǵysynyń ardagerleri úshin merekelik dastarqan jaıyldy. Basty as máziri naǵyz soldat botqasy, dep habarlady astana.kz saıtyna qalalyq ákimdiktiń uıymdastyrý bóliminen.

Shatyr qalashyǵyn tigýdi qalalyq ákimdiktiń basqarmalary men qurylymdyq bólimsheleri uıymdastyrdy. Árbir vedomstvo merekede basty qonaǵy - Uly Otan soǵysynyń ardagerin qabyldaıtyn shatyr tikti. Dástúrli soldat botqasymen qatar, merekelik dastarqanǵa manty, baýyrsaq pen shaı daıyndalǵan. Kúni boıy merekelik túski as dastarqanynan 400-den astam ardager dám tatady, dep kútilýde.

Sonymen qatar, búgin elordanyń barlyq turǵyndary men qonaqtary úshin «Stýdenttik» park aýmaǵynda da shatyr qalashyǵy tigiledi. Onda merekelik saýdanyń kórigi qyzyp, kelýshiler áskerı tehnıka men merekeleik kontsertti tamashalaı alady. Eki sahnada qalanyń shyǵarmashylyq ujymdary teatrlandyrylǵan qoıylymdar qoıyp, soǵys jyldaryndaǵy ánderdi shyrqaıdy.