Otan qorǵaýshy kúni elge laıyqty qyzmet etýdi paryzy sanaıtyn barlyq adamdardy biriktiredi - SQO ákimi

PETROPAVL. QazAqparat - Soltústik Qazaqstan oblysynyń ákimi Erik Sultanov aımaq turǵyndary Otan qorǵashy kúnimen quttyqtady.

«Qurmetti soltústikqazaqstandyqtar!

Sizderdi memlekettik mereke - Otan qorǵaýshy kúnimen quttyqtaımyn!

Bul kún erlik, aıbyn men otansúıgishtikti, urpaqtardyń ajyramas baılanysyn beıneleıdi. Otan qorǵaýshy kúnin merekeleý Qazaqstan Respýblıkasy Táýelsizdiginiń 25 jyldyǵynda erekshe mańyzǵa ıe. Bul jyldary eldiń Qarýly kúshteri qalyptasýyn aıaqtap, aıaǵyna nyq turyp, memleket ınstıtýty retinde tanyldy.

«Biz tulǵa, qoǵam jáne memlekettiń qaýipsizdigin qamtamasyz etetin myqty, qorǵanys qabileti joǵary armııany, tıimdi quqyq qorǵaý júıesin qurdyq», - dep atap ótti el prezıdenti N.Nazarbaev «Qazaqstan-2050» Strategııasynda.

Búginde qazaqstandyq armııa áskerı daıyndyq pen jabdyqtaýdyń joǵary deńgeıimen erekshelenedi. Bizdiń áskerı qyzmetkerlerimiz kásibılik, tártipke salynǵandyqtyń úlgisin kórsetip jatyr.

Qarýly kúshter qatarynda qyzmet etý - árbir qazaqstandyqtyń qurmetti mindeti, aǵa urpaqtyń qaharmandyq jáne jaýyngerlik dástúrlerine negizdelgen patrıotızmniń qýatty mektebi.

Otan qorǵaýshylar kúni óz Otanyna adal qyzmet atqarýdy óz paryzy sanaıtyndardyń barlyǵyn biriktiredi.

Bul mereke kúni Otan qorǵaýshylardyń barlyǵyna shyn júrekten myqty densaýlyq, baqyt, amandyq jáne tabystar tileımin!», - delingen SQO ákiminiń quttyqtaý mátininde.