«Otan daýysy» baıqaýy Uly Jeńistiń 80 jyldyǵyna arnaldy
ALMATY. KAZINFORM - Almatyda áskerı-patrıottyq klýb tárbıelenýshileriniń, mektep oqýshylary men kolledj stýdentteriniń qatysýymen «Otan daýysy» áskerı-patrıottyq án baıqaýy ótti, dep habarlaıdy QR Qorǵanys mınıstrliginiń baspasóz qyzmeti.
Іs-sharany Almaty qalasy bilim basqarmasynyń qalalyq dene shynyqtyrý jáne sport oqý-praktıkalyq ortalyǵy, «Jas sarbaz» respýblıkalyq balalar-jasóspirimder qozǵalysy jáne QR Qarýly kúshteriniń Ulttyq áskerı-patrıottyq ortalyǵy uıymdastyrdy.
Qazylar alqasy baıqaýǵa qatysýshylardy oryndaýshylyq, ártistik sheberligi, akterlik jáne horeografııalyq derekteri, kompozıtsııanyń ózindik ereksheligi men sahnalyq kostıými boıynsha baǵalady. Sonymen birge avtorlyq ánderge erekshe nazar aýdaryldy.
Qazylar alqasyn aty ańyzǵa aınalǵan general-maıor Ivan Panfılovtyń nemeresi, Ulttyq áskerı-patrıottyq ortalyq bastyǵynyń orynbasary – Almaty qalasy Jaýyngerlik dańq murajaıynyń áskerı-tarıhı qundylyqtar bóliminiń bastyǵy Alýa Baıqadamova basqardy.
№ 27 gımnazııanyń oqýshysy ıÝlııa Maks Bas júlde ıegeri atandy. Oǵan X-Factor shoýynyń jattyqtyrýshylary Bek Oralbekov pen Gúljan Ospanovanyń vokal boıynsha 10 sabaqqa syılyq sertıfıkaty, aqshalaı syıaqy jáne kýbok tabys etildi. Birinshi oryndy sol gımnazııanyń ónerpazy Alýanaı Sapı ıelendi. Ekinshi oryn № 118 mektep-gımnazııanyń oqýshysy Tımýr Kırılovqa, úshinshi oryn № 78 gımnazııanyń oqýshysy Alsý Alýhanovaǵa buıyrdy. Baıqaý júldegerleri «Otan daýysy» músinsheleri men vokaldy oqytýǵa sertıfıkattar aldy.
Osyǵan deıin Qazaqstan áskerinde jańa qyzmet paıda bolǵany týraly jazdyq.
