«Otan-Ana» monýmentiniń avtory - N.Nazarbaevtyń aq qaǵazǵa salǵan nobaıy (FOTO)
ASTANA. QazAqparat - Qazaqstan Respýblıkasynyń Prezıdenti Nursultan Nazarbaevtyń ómiri jaıly eń alǵashqy resmı tarıhı-bıografııalyq zertteý kitabynda Astanadaǵy «Otan-Ana» monýmenti men Prezıdenttiń Mádenı ortalyǵynyń N.Nazarbaevtyń qolymen salynǵan nobaılary bar.
2003 jyly «Wall street journal» gazetiniń «Prezıdent jańa astanany jobalaýǵa qatysty ma?» degen suraǵyna N.Nazarbaev: «Árbir úıdi jobalaýǵa qatystym. Árbir arhıtektýralyq jobaǵa qatystym. Bul tipti úılerdiń túsine de qatysty... Men - arhıtektormyn jáne oǵan esh uıalmaımyn»,-dep jaýap bergen.
Aqmola elorda bolǵannan keıin eski qalany rekonstrýktsııadan ótkizý barysynda N.Nazarbaev «Otan-Ana» monýmenti men Prezıdenttiń mádenı ortalyǵynyń nobaıyn ózi salyp bergen.
