Otan aldyndaǵy paryzdy óteıtin sát týdy - jasotandyq Prezıdent Jarlyǵy jaıynda

NUR-SULTAN. QazAqparat - Qazaqstan Prezıdentiniń áskerı mindettilerdi arnaýly jıynǵa shaqyrý týraly Jarlyǵyn oryndap, Otan aldyndaǵy paryzymyzdy óteıtin sát týdy. Mundaı pikirdi «Jas Otan» jastar qanaty Qaraǵandy oblystyq fılıalynyń tóraǵasy Erjan Hamıtov bildirdi, dep habarlaıdy QazAqparat tilshisi.

«Prezıdentimiz Qasym-Jomart Toqaevtyń áskerı mindettilerdi arnaýly jıynǵa shaqyrý týraly Jarlyǵyn tolyqtaı qoldaımyn. Ózimde elimizdi qorǵaıtyn kún týsa, Otanymyzda qandaı da bir qıyndyq bolyp, tótenshe jaǵdaı oryn alyp jatsa, boryshymdy óteımin degen oı sanamda únemi júretin. Endi mine Memleket basshymyzdyń áskerı mindettilerdi arnaýly jıynǵa shaqyrý Jarlyǵy shyǵyp otyr. Sondyqtan elimizdegi tótenshe jaǵdaı kezinde Otanymyzǵa bar-kúsh jerimmen kómek kórsetýge daıynmyn», - dedi oblystyq fılıal tóraǵasy.

Sonymen qatar ol qazirgi ýaqytta jastarymyz Prezıdenttiń osy Jarlyǵyna qoldaý kórsetip, áskerı mindetterin oryndaýǵa belsene atsalysatyndyǵyna senimdi ekendigin aıtty.

«Áskerı boryshty óteý kez kelgen er-azamattyń moınyndaǵy paryzy dep sanaımyn. Sondyqtan elimiz úshin osynaý qıyn kezeńde áskerı mindettiler arnaýly jıynǵa qatysatyndyǵyna senimim mol», - dedi Erjan Hamıtov.

Esterińizge sala ketsek, keshe Qazaqstan Prezıdenti áskerı mindettilerdi arnaýly jıynǵa shaqyrý týraly Jarlyq shyǵarǵan bolatyn.