Ota jasalǵan tasbaqanyń ishinen myńǵa jýyq tıyn shyqty
ASTANA. QazAqparat - Aýdarǵanda «bank» nemese «sandyq» degen maǵynany bildiretin Osmın atty 60 kelilik tasbaqaǵa Chýlalongkon ýnıversıtetinde 7 saǵatqa sozylǵan ota jasaldy. Ota barysynda janýardyń ishinen eki balyq aýlaıtyn qarmaq pen 5 kelige jýyq (11 fýnt) tıyn tabyldy. Tıyndardyń kóbisi tot basyp úlgergen. Bul týraly The Huffington Post Reuters-ke silteme jasap habarlaıdy.
Atalmysh ýnıversıtette jumys jasaıtyn Nantarıka Chanchý (Nantarika Chansue) esimdi qyzmetkerdiń aıtýynsha, tasbaqa jarty jyl boıy fızıoterapııa alyp, otadan keıin tolyqtaı aıyǵady.
Taılandta tasbaqaǵa tıyn laqtyrsa, uzaq ómir súredi degen senim qalyptasqan. Ókinishke oraı, ondaı dástúr Ostınniń ómirin úshten ekige qysqartty. Ortasha alǵanda teńiz tasbaqalary 80-100 jylǵa deıin ómir súredi. 
