Osynshama jasty tárbıelegenimiz úshin ózimdi baqytty sanaımyn - Elbasy
«Barlyqtaryńyz Táýelsizdik urpaǵysyzdar. Qazaqstan Táýelsiz bolmasa mundaı jastardyń ósý-óspeýi ekitalaı edi. Sondyqtan, barlyǵy Táýelsizdikten bastalady. Ata-babamyz ańsaǵan, babalarymyzdyń qanymen, analarymyzdyń aq sútimen kelgen Táýelsizdikti qolymyzǵa alyp, aıaǵynan tik turǵyzǵan urpaqpyz. Bizden ary qaraı jalǵastyratyn sizdersizder. Sony umytpaý kerek», - dedi Elbasy.
Memleket basshysy jaqynda Jastar jylynyń jarııalanýyna oraı jastarmen kezdeskenin eske alyp ótti.
«Qanshama jalyndaǵan jastardyń oıyn, sózin estidik. Qazirgi ýaqyttaǵy basqa jurt jeletin bolsa, biz shabýymyz kerek. Sebebi biz qalyp qalǵan elmiz. Ol bizdiń kemshilik emes. Tarıh, taǵdyr bizdi solaı etti. Kóp jyldar Reseıdiń qol astynda boldyq. Basty memleket óziniń sharýasyn sheship, bizge de kómegi tıgen shyǵar. Biraq, biz ekinshi orynda boldyq. Odan keıingi saıasat ta bizge jol bergen joq. Birinshi orynǵa bizdi shyǵarmady», - dedi Nursultan Nazarbaev.
QR Prezıdenti elimiz endi ǵana qanatyn jaıyp, dúnıege qazaqtyń kim ekendigin, qazaq degen memlekettiń bar ekendigin tanyta alǵandyǵyn basa aıtty.
«Táýelsizdigimizge 27 jyl boldy. Túk emes, tarıh úshin, dúnıe úshin bir mezet qana. Sonyń ishinde osynshama jastardy tárbıeleginimizge men ózimdi óte baqyttymyn dep sanaımyn», - dedi Elbasy.
