Osydan 7 jyl buryn jumys babymen kelgen Ýkraına týmasy Qazaqstan azamattyǵyn aldy

PAVLODAR. QazAqparat – Pavlodar oblysynda turatyn ýkraınalyq Vıtalıı Toptýn 7 jyldan keıin Qazaqstan Respýblıkasynyń azamattyǵyn aldy, dep habarlaıdy QazAqparat Polisia.kz saıtyna silteme jasap.

Ýspenka aýylynyń 74 jastaǵy turǵyny Vıtalıı Toptýn kóshi-qon bólimine júgingen. Ýkraına azamaty 2016 jyly Qazaqstanǵa jumysqa kelip, osynda qalýǵa sheshim qabyldapty. Ol Ýkraınada bolyp jatqan oqıǵalarǵa baılanysty óz eliniń azamattyǵynan shyǵý problemasyna tap bolǵan. Óz eline barý jáne qandaı da bir qujattardy alý egde jastaǵy adam úshin qıynǵa soǵady.

Ýspen aýdany PB kóshi-qon qyzmetiniń aǵa ınspektory Jannet Naýkenova Qazaqstandaǵy Ýkraınanyń ókildigi arqyly qajetti qujattardy aldyrady. Osylaısha, Vıtalıı Toptýn Qazaqstan azamaty atandy. Aýyl turǵyny kóshi-qon qyzmetkerine óz mindetterine jaýapkershilikpen qaraǵany úshin alǵys bildirip, polıtseılerdiń jumysy kásipqoılyq pen adamgershiliktiń standarty dep atap ótti.

Foto: polisia.kz