Osydan 2 aı buryn Úndistanda dúnıege kelgen qazaqstandyq sábı elge aman-esen oraldy
ASTANA. 10 qarasha. QazAqparat - Nıý-Delıde dúnıege kelgen ıÝrıı men Natalıa Kýlıkovalardyń qyzy Zlata Qazaqstanǵa aman-esen oraldy. Qazirgi ýaqytta balanyń salmaǵy 1 keli 600 gramm,
dep habarlady QR Syrtqy ister mınıstrliginiń baspasóz qyzmetinen.
Esterińizge sala keteıik, 10 qyrkúıek kúni Úndistanda týrıstik saparmen júrgen Qazaqstan azamatshasy Natalıa Kýlıkova salmaǵy 800 gramdyq qyz balany dúnıege ákelgen bolatyn.
Elimizdiń Úndistandaǵy Elshiligi sábıge týý týraly kýálik berilýine járdemdesip, anasynyń tólqujatyna onyń dúnıege kelgendigi týraly aqparat engizilgen-di. Sonymen qatar Nıý-Delıden kedergisiz ushý maqsatynda týý kýáligi aǵylshyn tiline aýdarylǵan.
Este bolsa, Nıý-Delı qalasyndaǵy klınıkanyń dárigerleri balanyń ata-anasyna egerde qyzdy kútýge qajetti aqsha tólemese, onda onyń ómirin qamtamasyz etip turǵan apparaty ajyratatyndyqtaryn málim etken bolatyn. Osy oraıda náresteniń emdelýine qajetti qarajatty Jambyl oblysynyń ákimdigi tolyq kólemde jáne shuǵyl túrde aýdarǵan edi.
