Osy jyldan bastap memleket múmkindigi shekteýli balalarǵa qashyqtyqtan bilim berý úshin ınternetpen qamtamasyz etedi

Bul týraly búgin Astanada ótip jatqan «Bilim júıesin aqparattandyrý» atty 5-shi Halyqaralyq forýmda QR Bilim jáne ǵylym mınıstri Baqytjan Jumaǵulov málim etti.

«Qazirgi tańda damý múmkindigi shekteýli 9300 bala densaýlyǵyna baılanysty mektepke bara almaı otyr. Osy jyldan bastap memleket jyl saıyn osyndaı 3000 balany qashyqtyqtan bilim alý úshin kompıýtermen, ınternetpen qamtamasyz etedi. Úsh jyl ishinde bul problema tolyǵymen sheshiledi. Osy maqsatqa 5,6 mlrd. teńge qarastyrylǵan», - dedi mınıstr.

Sonymen qatar vedomstvo basshysy qazirgi ýaqytta bilim berý uıymdarynyń 50 paıyzy ınteraktıvti kabınetpen jabdyqtalǵanyn aıtyp ótti. 98% mektep Internet jelisine qosylǵan, onyń ishinde 37%-y keń jolaqty ınternetpen qamtamasyz etilgen.