Osy júz jyldyqta adamnyń ortasha ómir súrý uzaqtyǵy 120 jylǵa jetedi
ASTANA. 9 qyrkúıek. QazAqparat - Ijevsktegi antropologııaǵa arnalǵan halyqaralyq ǵylymı-praktıkalyq konferentsııa barysynda RF Úkimeti janyndaǵy sarapshylar keńesiniń múshesi Sergeı Gradırovskıı adamnyń ómir súrý uzaqtyǵy aldyńǵy qatarly elderde 30 jyldan keıin 120 jylǵa jetetindigin málim etti.
Mamannyń pikirinshe, ómir jasynyń uzartylýy tarıhı zańdylyq, birneshe sońǵy júzjyldyqta adamzat «eki ret 30 jyldan qadam jasady», dep habarlady Forum-Ua portaly.
«Qazirdiń ózinde adamzattyń aldyńǵy qatarly elderi ómir súrý jasynyń uzaqtyǵy boıynsha 90 jylǵa taıap qaldy. 10 elde bul kórsetkish áıelder arasynda 85 jas jáne odan da joǵary», - deıdi Gradırovskıı.
