Osy ýaqytta 5 oblysta dala jáne orman órtterimen kúres júrýde
ASTANA. QazAqparat - Respýblıka aýmaǵynda órttiń týyndaý qaýpi joǵary maýsymy jalǵasýda. 6 qyrkúıek kúngi jaǵdaı boıynsha, qurǵaq shóptiń janýyna qatysty 11 oqıǵaǵa baqylaýda. Aqtóbe, Almaty, Qaraǵandy, Aqmola jáne Shyǵys Qazaqstan oblystarynda tutanǵan jalynmen kúres jumystary osy ýaqytta jalǵasýda, dep habarlaıdy QazAqparat QR ІІM Tótenshe jaǵdaılar komıtetiniń resmı ókili Rýslan Imanqulovqa silteme jasap.
úQR ІІM Tótenshe jaǵdaılar komıtetiniń bólimsheleri, jergilikti atqarýshy bılikter, orman sharýashylyqtary jáne erikti órt sóndirý qurylymdary osy ýaqytta elimizdiń bes aımaǵynda: Aqtóbe (Muǵaljar aýdanynyń Batpaqkól, Egindibulaq aýyldyq okrýgteri, Shalqar aýdanynyń Aıshýaq aýyldyq okrýgi), Almaty (Eskeldi aýdanynyń Qaratal, Raıymbek aýdanynyń Alǵabas aýyldyq okrýgteri), Shyǵys Qazaqstan (Kókpekti aýdanynyń Bıǵash, Ulan aýdanynyń Bozanbaı aýyldyq okrýgteri), Qaraǵandy (Jańaarqa aýdanynyń Tselınnyı aýyldyq okrýgi, Buqar jyraý aýdanynyń Qýshoqy aýylynan soltústik-shyǵysqa qaraı 12 shaqyrym jerde, Nura aýdanynyń Barshyn aýyldyq okrýgi), Aqmola (Aqkól aýdanynyń Novorybınsk aýyldyq okrýgi) oblystarynda orman jáne dala órtterimen kúresýde. Jumystarǵa 456 adam jáne 77 tehnıka jumyldyryldy.
Statıstıka kórsetip otyrǵandaı, orman jáne dala órtteriniń týyndaýyna turǵyndardyń órt qaýipsizdigin saqtamaýy (otty tolyq sóndirmeı ketý, kúl men kúkirt shyrpylaryn tastap ketý, qurǵaq shópke órt qoıý, bótelkelerdiń qaldyqtary, t.b.) jáne tabıǵı qubylystar (qurǵaq naızaǵaı razrıadtary) sebep bolýda.
Tilsiz jaýdyń tutatý qaýpi joǵary maýsym bastalǵaly beri elimiz aýmaǵynda 587 tabıǵı órt oqıǵasy tirkelse, onyń 472-si orman, 115-i dala órti. Jalyn sharpyǵan jerlerdiń jalpy aýmaǵy 800 myń gektardan astamdy quraıdy.
«QR ІІM Tótenshe jaǵdaılar komıteti azamattardy ormandy jáne dala alqaptarynda júrgende órt qaýipsizdigi erejelerin qatań saqtaýǵa shaqyrady», - delingen habarlamada.
