Osy ýaqytqa deıin OSK máslıhat saılaýyna barlyǵy 3 myń 775 adamdy kandıdat etip tirkedi
ASTANA. 13 jeltoqsan. QazAqparat /Aıdar Ospanalıev/ - Búgingi málimetter boıynsha, 2012 jylǵy 15 qańtaryna taǵaıyndalǵan máslıhat depýtattarynyń kezekti saılaýyna úmitker retinde 7 myń 883 azamat usynyldy. Bul týraly Ortalyq saılaý komıssııasynyń kezekti otyrysynda málim boldy.
OSK málimetterine qaraǵanda, usynylǵan úmitkerlerdiń 1 myń 230-y oblystyq, Astana men Almaty qalalarynyń máslıhattaryna, 5 myń 134-i aýdandyq máslıhattarǵa depýtat bolǵylary keledi. Al 1 myń 519 azamat qalalyq máslıhat depýtattyǵynan úmitti. Osy ýaqytqa deıin OSK máslıhat saılaýyna barlyǵy 3 myń 775 adamdy kandıdat etip tirkegen.
