Osy ýaqytqa deıin elordadaǵy 23 basqarmanyń tek 10-y ǵana memlekettik tilde is júrgizýge kóshti - O.Asanǵazy
ASTANA. Qyrkúıektiń 17-si. QazAqparat /Arman Asqarov/ - Osy ýaqytqa deıin elordadaǵy 23 basqarmanyń tek 10-y ǵana qazaqsha is júrgizýge kóshti.
Bul týraly búgin Astana qalasynyń ákimdiginde ótken «Memlekettik til mártebesi: búgin jáne erteń» taqyrybynda «dóńgelek ústel» otyrysynda Tilderdi damytý basqarmasynyń tóraıymy Orazgúl Asanǵazy málim etti.
«2007 jyldan bastap Astana qalasyndaǵy is júrgizý qazaq tiline kóshýi tıis bolǵan. Árıne, qaǵaz júzinde kóshtik. Biraq, jasyratyny joq, elordadaǵy 23 basqarmanyń 10-y ǵana qazaqsha is júrgizýge kóshti. Sol sebepti bizge «Memlekettik til týraly» zań kerek. Osy zańda «memlekettik mekeme is-qaǵazdaryn tek memlekettik tilde ǵana júrgizýi mindet» dep jazylýy qajet. Sebebi qazirgi kezde qazaqsha is-qaǵaz toltyrǵan mekemeden mınıstrlik kez kelgen resmı qaǵazdyń oryssha nusqalaryn berýge mindetteıdi. Mysaly, qarjy, ekonomıka jáne josparlaý basqarmasy qazaq tilinde qaǵaz jazsa, olardyń esepterin mınıstrlikter qabyldamaıdy», dedi ol.
