Osy ýaqytqa deıin elordada saılaýaldy úgit-nasıhat jumystaryna baılanysty eshqandaı zańsyzdyq oryn alǵan joq -Astana qalalyq ІІD
ASTANA. 18 naýryz. QazAqparat /Aıdar Ospanalıev/ - «Astana qalalyq Іshki ister departamentiniń qyzmetkerleri 3 sáýirge taǵaıyndalǵan kezekten tys Prezıdent saılaýyna baılanysty atqarylyp jatqan sharalarǵa ózindik úles qosyp otyr»,- deıdi Astana qalalyq Іshki ister departamenti bastyǵynyń orynbasary Qaırat Muhıtov.
Búgin Ortalyq saılaý komıssııasynyń kezekti otyrysynda departamenttiń kezekten tys saılaýǵa baılanysty atqaryp jatqan isterine toqtalǵan Q.Muhıtovtyń sózine qaraǵanda, ishki ister salasynyń ókilderi qaladaǵy saılaý aldyndaǵy tártiptiń talapqa saı bolýyn qadaǵalaýmen qatar ýchaskelik saılaý komıssııalaryna saılaýshylardyń tizimderin naqtylaý isine de kómektesýde.
«Buǵan qosa ýchaskelik polıtsııa ınspektorlary ákimshilik ýchaskelerdi aralaý kezinde úgit-nasıhat quraldarynyń zań aıasynda ornalastyrylýyn qadaǵalaýmen aınalysýda. Osy ýaqytqa deıin elordada kandıdattardyń úgit-nasıhat quraldaryn qasaqana búldirý nemese joıyp jiberý faktileri oryn alǵan joq. Sondaı-aq úgit-nasıhat quraldarynyń belgilengen jerden basqa orynǵa ornylastyrý jaǵdaılar da bolǵan joq. Anonımdi nasıhat quraldarynyń da taralýyna jol berilgen joq», - dedi departament bastyǵynyń orynbasary.
Sondaı-aq onyń sózinshe, polıtseıler ýchaskelik saılaý komıssııalarymen tyǵyz baılanysty jumys isteýde. Qaladaǵy saılaý ýchaskelerinde 17 naýryzdan bastap, polıtsııa qyzmetkerleri qoǵamdyq jáne múliktik qaýipsizdikti táýlik boıy kúzetýge kiristi. Al osyǵan deıin tártip saqshylary tótenshe jaǵdaılar salasynyń jáne ákimshilik ókilderimen birlese otyryp, shahardaǵy ǵımarattardyń qaýipsizdigin tekserip shyqqan.
