Osy sessııada «Dinı qyzmet jáne dinı birlestikter týraly» zań jobasy qabyldanýy kerek - Oral Muhametjanov
TANA. 7 qyrkúıek. QazAqparat /Rýslan Ǵabbasov/ - Osy sessııa barysynda Parlament «Dinı qyzmet jáne dinı birlestikter týraly» zań jobasyn qabyldaýy kerek.
Bul týraly búgin QR Parlamenti Májilisiniń jalpy otyrysynda sóılegen sózinde Májilis Tóraǵasy Oral Muhamedjanov málim etti.
«Aldaǵy sessııadaǵy depýtattardyń zań shyǵarý qyzmetindegi basym baǵyttardyń biri otandyq buqaralyq aqparat quraldaryn jáne úkimettik emes uıymdardy damytý bolyp otyr. Osy sessııa barysynda Parlament «Teleradıo» habarlaryn taratý týraly», «Dinı qyzmet jáne dinı birlestikter týraly» zań jobalaryn qabyldaýy qajet»,-dedi Májilis Tóraǵasy.
Sonymen qatar ol, «Ulttyq qaýipsizdik týraly» zańnyń jańa redaktsııasyn jáne «Arnaıy memlekettik organdar týraly» zań jobasyn qabyldaý sharalary alda turǵanyn qadap aıtty. Munymen qosa O. Muhamedjanov kúntártibindegi «Indýstrııalyq-ınnovatsııalyq qyzmetti memlekettik qoldaý týraly» jáne jýyq arada kelip túsetin «Energııa únemdeý jáne energııanyń tıimdiligin arttyrý týraly» zań jobalaryn jedel qarap, qoldanysqa engizý kerektigin atap ótti.
