Osy saılaýda jastardyń saıası belsendiligi óskeni baıqalady– Ashat Sadyrbaı
«Bul saılaý osydan bir jyl buryn bolǵan bolsa – halyqtyń suranysy, ózekti máseleleri, eldegi saıası jaǵdaı, basqa da máseleler basqasha bolar ma edi. Sońǵy bir jyl ishinde pandemııa áserinen kóp nárse ózgerdi. Biz qazir neniń mańyzdy, neniń asa mańyzdy emes ekenin túsindik. Onyń ishinde jastarǵa keletin bolsaq, bul saılaýda jastardyń belsendiligi joǵaryraq, sebebi 30%-dyq kvota áıelder men jastarǵa bólingeni belgili. Buryn máslıhatta, parlamentte jastardyń paıyzdyq úlesi 1-2% ǵana bolǵan. Al qazir osy saılaý naýqanynyń arqasynda jastardyń úles salmaǵy birneshe esege óspek. ıAǵnı, bul saılaý naýqanynda jastardyń saıası azamattyq belsendiligi artty deýge bolady», - deıdi Ashat Sadyrbaı.
Sondaı-aq, ol qazirgi ýaqytta jastardyń basty nazary saılaýda jáne saıası reformalarda ekenin aıtty.
«Elimizde talantty, bilimdi jastar kóp. Shetelge baryp, bilimin shyńdap kelgen, ózderin álemdik deńgeıde moıyndatqan, ІT salasyndaǵy alpaýyt kompanııalarda qyzmet istep jatqan jastar da bar. Olar elimizdiń damýyna úles qosyp, kóp nárseni jaqsartqysy keledi. Ondaı jastar saılaýǵa qatysqanda dostary, jora-joldastary qoldaıdy jáne jalpy jastarǵa úlken qoldaý bolady», - deıdi ol.
Eske sala ketsek, buǵan deıin Sailau Talks-2021 sarapshylary ótip jatqan saılaýdyń mańyzdylyǵy talqylaıtynyn jazǵan bolatynyz.
Іs-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.
