Osy sátterde Ál-Kýáıt qalasynda Qazaqstanda týy jelbireıtin 7-Qysqy Azııa oıyndarynyń Alaýyn tutandyrý saltanaty ótip jatyr

Onda sóz alǵan Azııa Olımpıadalyq keńesiniń prezıdenti Sheıh Ahmad ál-Fahad as-Sabah Qysqy Azııa oıyndaryn Qytaı men Japonııadan keıin ózinde qabyldap otyrǵan Qazaqstan Respýblıkasynyń sportshylaryna sáttilik tiledi.

Sheıh Ahmad ál-Fahad as-Sabah óziniń quttyqtaý sózinde 2011 jyldyń 30 qańtary men 6 aqpany aralyǵynda Qazaqstanda ótetin 7-Qysqy Azııa oıyndaryn joǵary deńgeıde ótkizýge tilektestigin bildire kele, 1996 jyly Azııa oıyndarynda tamasha óner kórsetip, jalpykomandalyq esepte 2-rynǵa ıe bolǵan Qazaqstannyń Azııa oıyndarynda, jalpy Azııa Olımpıadalyq qozǵalysynda alatyn orny erekshe ekendigin aıtty.

AOK prezıdenti sondaı-aq, Qytaı men Japonııadan keıin alǵash ret aýqymy úlken osyndaı sharany qabyldap otyrǵan Qazaqstan Respýblıkasynyń sportshylaryna sáttilik tilep, álemdik qarjy daǵdarysyna qaramastan Oıyndardy joǵary deńgeıde uıymdastyrý úshin járdemin aıamaǵan Qazaqstan Prezıdenti Nursultan Nazarbaevqa jeke alǵysyn bildirdi.

«Jalpy Qazaqstan jeńis dástúri qalyptasqan memleket. Qazaqstan Azııa oıyndarynyń sport tarıhyna jarqyn jetistikteri arqyly altyn áriptermen jazylyp qalatyndyǵyna senimim mol», - dep atap ótti ol.

Aıta keteıik, Aq Azıadanyń Alaýyn qabyldap alýshy qazaqstandyq delegatsııany Ál-Kýáıtke QR Týrızm jáne sport mınıstri Temirhan Dosmuhambetov bastap bardy.