Osy kúnderi Qazaqstan halqynyń jasaǵan duǵalary qabyl bolsyn - Bas múftı

ASTANA. QazAqparat - Qazaqstannyń bas múftıi Erjan Maıamerov Ulystyń Uly kúni - Naýryz meıramymen barsha qazaqstandyqtardy quttyqtady.

«Búgingi naýryz juma kúnge saı kelip tur. Osy kúnderi Qazaqstan halqynyń jasaǵan duǵalary qabyl bolsyn! Elimiz aman, jurtymyz tynysh bolǵaı!», - dedi ol «QazAqparat» agenttigine bergen suhbatynda.

Bas múftı Naýryz meıramy bul ıslamı, dinı meıram emes, ulttyq meıram ekendigin de erekshe atap ótti.

«Qandaı da bir ulttyq meıramǵa bizdiń dinimiz qaıshy emes, sondyqtan bul búkil túrki, parsy elderiniń ulttyq merekesi. Sol sebepti bizdiń ata-babalarymyz toılap kele jatqan úlken meırammen búkil qazaq jurtyn osy ataýly kúnmen quttyqtaımyn», - dep atap ótti ol.