Osy kóktemde Astanada shahmattan álem chempıonaty ótedi

ASTANA. QazAqparat - Mádenıet jáne sport mınıstri Ashat Oralov búgin Halyqaralyq shahmat federatsııasynyń (FIDE) prezıdenti Arkadıı Dvorkovıch bastaǵan resmı delegatsııamen kezdesti. Jıynda bıyl kóktemde Astanada ótetin shahmattan álem chempıonatyn uıymdastyrý jáne basqa da birneshe mańyzdy másele talqylandy, dep habarlaıdy QazAqparat.

Sondaı-aq, Qazaqstanda FIDE qamqorlyǵymen ózge de is-sharalardy ótkizý talqylandy.

Mysaly, álemniń úzdik jasóspirimderiniń qatysýymen ótetin týrnır jáne qazaqstandyq jas shahmatshylardy tarta otyryp ótkiziletin is-sharalar.

«Bul bizdiń kishkentaı chempıondarymyz úshin qundy tájirıbe bolar edi. FIDE tańdaýy bizdiń elge kezdeısoq túspegenin atap ótkim keledi. Elimiz búgingi tańda týra maǵynada naǵyz shahmat býmyn bastan keship jatyr. Memleket basshysy Qasym-Jomart Toqaev elimizdegi shahmat qozǵalysynyń damýyn jeke baqylaýda ustap otyr. 2022 jyly elimizde 253 myńnan astam adam 7 618 sektsııada shahmatpen júıeli túrde aınalysty. Jańa oqý jylynyń basynan 28 myńǵa jýyq balany qamtyǵan 654 mektepte «shahmat» páni fakýltatıv retinde engizildi», - dep jazdy mınıstr kezdesý jaıynda Facebook paraqshasyna.

Onyń aıtýynsha, qazaqstandyq jas shahmatshylar da álemniń úzdikteri qatarynda - Dınara Sádýaqasova, Jansaıa Ábdimálik, Bıbisara Asaýbaeva jáne basqa da sportshylar tarıhqa óz esimin jazyp úlgergen.

Kúzde Prezıdent Qasym-Jomart Toqaev FIDE basshysymen kezdesip, elimizdiń halyqaralyq shahmat Federatsııasymen yntymaqtastyq perspektıvalaryn talqylady.

«Biz osy baǵytta jumysty jalǵastyramyz» deıdi Ashat Oralov.