Osy demalys kúnderi aýa raıy qandaı bolady
NUR-SULTAN. QazAqparat - Sınoptıkter aldaǵy demalys kúnderi aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Soltústik-batys tsıklony Qazaqstannyń terrıtorııasyna óz yqpalyn tıgizýin jalǵastyryp jatyr. Sonyń áserinen jańbyr, keı jerlerde qatty jańbyr jaýady.
Elimizdiń soltústik bóliginde aýa temperatýrasy tómendeıdi.
Sondaı-aq, respýblıkanyń keı jerlerinde naızaǵaı jarqyldap, jel kúsheıedi.
Ońtústikte shańdy daýyl soǵady. Burshaq jaýýy yqtımal.
Tek batysta antıtsıklonnyń arqasynda jaýyn-shashyn jaýmaıdy, kún ashyq bolady.
