Osy daǵdarystan keıin medıtsına, bilim berý, tsıfrlandyrý salalaryn jandandyrýǵa basymdyq beriledi - Máýlen Áshimbaev
«Qazir búkil əlemmen birge bizdiń elimiz de syn-saǵatyn bastan ótkerýde. Bul tyǵyryqtan shyǵý úshin Memleket basshysy aýqymdy sharalar qabyldaǵanyn bilesizder. Olar negizinen indetpen kúresýge jəne halyq pen bıznesti qoldaýǵa arnalyp otyr. Soǵan səıkes ortalyqta jəne óńirlerde tıisti jumystar qolǵa alyndy. Aldaǵy ýaqytta onyń bəri oń nətıje beretinine eshqandaı kúmən joq. Sondyqtan bizge dál qazir sabyr saqtaý kerek. Biz budan da qıyn kezeńderde saǵy synbaǵan halyqpyz. Ótken ǵasyrdyń ózinde alapat ashtyq pen dúnıe júzin sharpyǵan sum soǵystan aman óttik. Sonyń bərin atalarymyz yntymaq pen tózimniń arqasynda eńserdi. Qandaı qıyn-qystaý kez bolsa da birligimiz ben berekemizge esh syzat túsirgen joq. Qaıta súringenge súıeý, qulaǵanǵa demeý bolyp, judyryqtaı jumyla bildi» dep jazdy ol.
Máýlen Áshimbaev qazir de dəl solaı birigýimiz qajet ekenin, syndarly sətte baıbalam salmaı, qaıta ult bolyp uıysýdy oılaýymyz keregin aıtyp ótti.
«Qazir de dəl solaı birigýimiz qajet. Búginmen ǵana emes, bolashaqty oılap ómir súreıik. Memleket eshkimdi ash-jalańash qaldyrmaıdy. Prezıdentimizdiń tapsyrmasymen muqtaj azamattardyń bərine kómek kórsetiledi. Tek shydamdylyq tanytqan jón. Qashan da joqqa sabyr, barǵa qanaǵat etken halyq edik qoı. Sol qundylyqtarymyzdy joǵaltpaıyq. Osyndaı syndarly sətte jaǵa jyrtyspaı, baıbalam salmaı, qaıta ult bolyp uıysýdy, ortaq iske jumylýdy oılaıyq. Təýelsizdiktiń, eldiktiń qadir-qasıetine mən bereıik» dep jazdy Máýlen Saǵathanuly.
Qoldaý sharalaryn júzege asyrý kezinde tehnıkalyq aqaýlardyń bolǵanyn tilge tıek etti. Aldaǵy ýaqytta ondaı olqylyqtardyń qaıtalanbaýy úshin jańa resýrstar iske qosylyp jatqanyn da atap ótti.
Odan bólek, Máýlen Áshimbaev pandemııadan keıin búkil álemde úlken ózgeris bolady dep baǵamdady.
«Osy daǵdarystan keıin keıbir basymdyqtardyń ózgeretini túsinikti. Tipti búkil əlem damýdyń jańa kezeńine qadam basady desek te artyq emes. Sol sátte bizge osaldyq tanytýǵa bolmaıdy. Osyndaı kezde əlsiz tustarymyz da kórinip jatyr. Solardy jetildirýimiz kerek. Sonyń bərin eskerip, Memleket basshysy medıtsına, bilim berý, tsıfrlandyrý salalaryn damytý úshin naqty mindetter júktep otyr. ıAǵnı, daǵdarystan keıin osy baǵyttardy jandandyrýǵa basymdyq beriledi. Ekonomıkany ərtaraptandyrýǵa erekshe kóńil bólinedi. Prezıdent budan basqa da naqty jumystardy qolǵa alýdy tapsyrdy. Sonyń bəri óz jemisin berý úshin birligimizdi kúsheıteıik», - deıdi QR Prezıdenti Ákimshiligi Basshysynyń birinshi orynbasary.
Sondaı-aq, Máýlen Áshimbaev halyqty syn sátten synbaı, laıyqty eńsere bilýge, bir úıdiń balasyndaı, bir qoldyń salasyndaı bolyp, Prezıdentimizdiń qasyna toptasýǵa shaqyrdy.
«Halqymyz «kóppen kórgen – uly toı» deıdi. Bul synaqpen tek biz emes, búkil jahan jurty betpe-bet kelip otyr. Sondyqtan eńsemizdi túsirmeıik, el ekenimizdi esten shyǵarmaıyq. Qandaı dúrbeleń bolsa da moıymaı, mort synbaı, laıyqty eńsere bileıik. Biz – rýhy myqty halpyqpyz. Azamattarymyzdyń keshegideı ənuran shyrqap, bekem birliktiń ozyq úlgisin kórsetýi soǵan dəlel. Elimizdiń barlyq óńirinde belsendilik tanytyp júrgen volonterlerdiń de eren eńbegin eleýsiz qaldyrýǵa bolmaıdy. Aramyzda óz erkimen əskerge barǵysy keletinderdiń de qatary qalyń ekeni qýantady. Endeshe, qazirgideı qıyn shaqta bir úıdiń balasyndaı, bir qoldyń salasyndaı bolyp, Prezıdentimizdiń qasyna toptasaıyq. Sonda osy synaqtan súrinbeı ótip, kózdegen maqsattarymyzǵa qol jetkizemiz. Elimiz aman, jurtymyz tynysh bolyp, Qazaq eli məńgi jasasyn!» dep túıdi sózin ol.
