Osy aıdyń sońyna deıin ındýstrııalyq-ınnovatsııalyq damý baǵdarlamasy Prezıdent Ákimshiligi qaraýyna jiberiledi
«Búgin Úkimette ekonomıkamyzdaǵy mańyzdy birqatar máseleler qaraldy. Birinshisi ındýstrııalandyrý baǵdarlamasynyń ekinshi besjyldyǵy. Qazir 2020 jylǵa deıingi ındýstrııalyq-ınnovatsııalyq damý baǵdarlamasy ázirlenýde. Osy aıdyń aıaǵyna deıin baǵdarlama Prezıdent Ákimshiligi qaraýyna jiberiledi», - dedi ol.
Onyń atap ótýinshe, ekinshi besjyldyqtyń baǵdarlamasyn osy jyly aıaqtalǵaly turǵan baǵdarlamanyń jalǵasy dep bilý kerek. Aldaǵy besjyldyqta basymdyq berilgen salalardyń sany az bolady. Olar: munaı óńdeý men hımııa salasy, hımııa ónerkásibi, tamaq ónimderin shyǵarý, mashına jasaý, qurylys zattary men metallýrgııa salalary.
«Bul baǵdarlamada klasterlerdi damytý qarastyrylǵan jáne ınnovatsııalar men tehnologııalyq jańǵyrtýǵa úlken kóńil bólinedi», - dedi Á.Isekeshev.
