Osy aıda ishki naryqqa 369 myń tonnadan astam AI-95 benzıni taratylady

ASTANA. QazAqparat – Tamyz aıynda Qazaqstan boıynsha 369 myń tonnadan astam AI-95 benzınin tasymaldaý josparlanyp otyr, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.

Qazir Qazaqstandaǵy magıstraldi avtojoldar arqyly benzın quıylǵan 1 047 tsısterna óńirlerge jetkizilip jatyr. Olardyń ishinde AI-95 markaly janar-jaǵarmaıy bar tsısternanyń sany – 341. Barlyq munaı ónimi dıspetcherlik baqylaýmen belgilengen jyldamdyqqa saı jetkizilmek.

Benzındi jetkizý júk tasymaldaýshy uıym málimdegen josparlarǵa sáıkes júzege asyrylyp jatyr. Demek, tasymaldaýshy otynnyń qandaı da bir túrin jóneltýge áser ete almaıdy. Qazir munaı óńdeý zaýyttary júk tasymaldaýǵa qatysty barlyq ótinishti 100%-ǵa qamtamasyz etken. Máselen, jospar boıynsha tamyzda ishki naryqqa AI-95 markili benzınniń 369,7 myń tonnasy jetkiziledi. Tamyz aıynyń alǵashqy 7 kúninde onyń 102,6 myń tonnasy nemese aılyq jospardyń 27% tasymaldandy:

- Atyraý MÓZ boıynsha – 125 tsısterna, onyń ishinde 21 tsısterna AI-95 benzıni;

- Shymkent MÓZ boıynsha – 102 tsısterna, onyń ishinde birde-bir AI-95 vagony qarastyrylmaǵan;

- Pavlodar MÓZ boıynsha – 80 tsısterna, onyń ishinde barlyǵy 20 tsısternada AI-95 benzıni bar.