Osy aptanyń basty oqıǵasy

ASTANA. 25 qarasha. QazAqparat - Osy aptada Tuńǵysh Prezıdent kúni aıasynda elimizde túrli mańyzdy is-sharalar ótedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«Aǵymdaǵy aptadaǵy eń basty oqıǵa - 1 jeltoqsan Tuńǵysh Prezıdent kúni. Táýelsizdik alǵannan beri Qazaqstannyń basty jetistikteri elimizdiń tuńǵysh Prezıdenti Nursultan Nazarbaevpen tikeleı baılanysty ekeni barshalaryńyzǵa málim», - dep toqtaldy resmı ókil. Onyń sózine qaraǵanda, bul ataýly kún aıasynda elimizdiń barlyq óńirlerinde túrli mańyzdy is-sharalar uıymdastyrylady.