Osy aptada jolaýshylar poıyzdary jazǵy qozǵalys kestesine aýysady
«Jańa kesteni jasaý kezinde jolaýshylardyń barlyq talap-tilekteri eskerildi. Kestege eńbek demalysy men shákirtter demalysy kezinde saparlaıtyn jolaýshylardyń suranystaryna oraı maýsymdyq marshrýttar engizilgen. Oǵan №483/484 Astana - Adler baǵyty sekildi jańa marshrýttar men qosymsha vagondar qosylyp, №151/152 «Almaty-Petropavl» baǵytyndaǵy jańa júrdek poıyzy belgilendi. Sonymen qatar, kestege kúnara júretin «Almaty-Atyraý» qatynasyndaǵy «Tulpar-Talgo» vagondarynan quralǵan jańa júrdek marshrýt sekildi jańashyldyqtar da endi»,-dep habarlaıdy atalǵan AQ-nyń baspasóz qyzmetinen.
Jolaýshylar poıyzdarynyń qozǵalysy kestesindegi barlyq ózgerister, qosymsha vagondardy, quramdar men jańa marshrýttardy qosý, stantsııalar boıynsha poıyzdardyń kelýi men ketýi jaıly aqparattardy www.temirzholy.kz saıtynan nemese temir jol vokzaldarynyń kassalary men anyqtama qyzmetterinen alýǵa bolady.
