Osy aptada Úkimet músheleri jergilikti jerlerde memlekettik baǵdarlamalardyń júzege asýy barysymen tanysady

ASTANA. 16 qyrkúıek. QazAqparat - Jergilikti jerlerde memlekettik baǵdarlamalardyń júzege asýymen egjeı-tegjeıli tanysý maqsatynda Úkimet músheleriniń óńirlerge birneshe jumys saparlary josparlaǵan. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«Premer-Mınıstrdiń orynbasary - Indýstrııa jáne jańa tehnologııalar mınıstri Áset Isekeshev 19 qyrkúıekte Qaraǵandy oblysynda «Saryarka» arnaıy ekonomıkalyq aımaǵynda ınnovatsııalyq ındýstrıalandyrý baǵdarlamasynyń iske asyrylýymen tanysady», - dedi resmı ókil. Qalyń buqaraǵa «Jumyspen qamtý jol kartasy-2020» baǵdarlamasynyń mánin túsindirý baǵytyndaǵy jumystar Eńbek jáne halyqty áleýmettik qamtamasyz etý mınıstri Tamara Dúısenovanyń 18-19 qyrkúıektegi Ekibastuzǵa jasaıtyn jumys saparynyń basty taqyryby bolmaq.