Osy aptada Soltústik Qazaqstanda qar jaýady
PETROPAVL. QazAqparat - Soltústik Qazaqstan oblysynda osy aptada jaýyn-shashyn túsip, jel soǵady, dep habarlaıdy QazAqparat tilshisi.
«Qazgıdromet» RMK bólimshesiniń aqparaty boıynsha, dúısenbi, 15 sáýirde óńirde kúndiz jańbyr jaýyp, burshaq jaýýy múmkin. Soltústik-shyǵystan jel soǵyp, onyń baǵyty soltústik-batysqa aýysady jáne jyldamdyǵy 15-20 m/s, ekpini 23-28 m/s-ke jetýi múmkin. Termometr baǵany 5 gradýs jyly bolady.
16 sáýirde túnde qar, kúndiz jańbyr jaýady. Keı jerlerge tuman túsip, kóktaıǵaq bolady. Túnde temperatýra 0-5 gradýs, keı jerlerde 8 gradýs aıaz bolady. Kúndiz 5-10 gradýsqa jyly bolýy yqtımal.
Sársenbi, 17 sáýirde túnde jáne kúndiz jaýyn-shashyn jaýady. Keı jerlerge tuman, burshaq túsip, kóktaıǵaq bolýy múmkin. Aýa temperatýrasy 0-5 gradýs jyly bolady.
Sınoptıkterdiń boljamy boıynsha, 18-19 sáýirde túnde qar jaýýy yqtımal. Keı jerlerge tuman túsip, kóktaıǵaq bolady. Jel óz baǵytyn ózgertpeıdi. Túnde temperatýra 0-5 gradýs aıaz bolady. Kúndiz 0-5 gradýsqa deıin jyly bolýy múmkin.
