Osy aptada Nur-Sultanda qandaı is-sharalar ótedi

NUR-SULTAN. QazAqparat- Elordanyń mádenıet mekemelerinde qala turǵyndary men qonaqtarynyń bos ýaqyttaryn kóńildi, maǵynaly ótkizý úshin jańa jyl aldyndaǵy baǵdarlama ázirlenýde. Osy aptada teatrlar, murajaılar, shyǵarmashylyq ujymdar qoıylymdar, shoýlar, kórmeler, kontsertter daıyndap otyr, dep habarlaıdy QazAqparat Nur-Sultan ákimdiginiń resmı saıtyna silteme jasap.

23 jeltoqsanda Memlekettik akademııalyq fılarmonııa «Astana» kontsert zalynyń sahnasynda Jambyl Jabaevtyń 175 jyldyǵyna arnalǵan Halyq áni bóliminiń kontsertin ótkizedi. Oǵan «Saryarqa» folklorlyq ansambli de qatysady.

«Jastar» teatry jas kórermenderdi 22-29 jeltoqsan aralyǵynda kún saıyn ótkiziletin jańa jyldyq erteńgilik pen G.H. Andersenniń «Kishkentaı sý perisi» ertegisine shaqyrady. 26 jeltoqsanda saǵat 19:00-de «Kúıeý bala» dramasynyń premeralyq spektakli usynylady.

Elordalyq qýyrshaq teatry óz qonaqtaryna «Jańa jyldyq ǵajaıyptar» atty qýyrshaqtar shoýyn daıyndap otyr. Oǵan 18 jeltoqsannan 30 jeltoqsanǵa deıin barýǵa bolady. Kúnine birneshe qoıylym uıymdastyrylady.

M. Gorkıı atyndaǵy Memlekettik akademııalyq orys drama teatry 22 jeltoqsanda saǵat 19:00-de N.Gogoldiń «Gogol.Peterbýrg» jelisi boıynsha sahnalanǵan qoıylymyn, al 23-25 jeltoqsanda atalmysh teatr Gogoldiń «Jenıtba» komedııasyn usynady. 25 jeltoqsanda saǵat 11:00-de M.Bartenevtiń «Snegýrýshka» ertegisin kórýge bolady. Ertesinde kórermen qaýym R.Baeranyń «Smeshannye chývstva», al 30 jeltoqsanda R.Tomnyń «Vosem lıýbıaşıh jenşın» qoıylymdaryna shaqyrady.

28 jeltoqsanda saǵat 15:00-de «Naz» memlekettik bı teatrynda «Myń bir tún» horeografııalyq qoıylymy ótedi.

21 jeltoqsanda jurtshylyqty Mýzykalyq jas kórermen teatry Muqaǵalı Maqataevtyń 90 jyldyǵyna oraı «Mahabbat-Júrek» mýzykalyq-poetıkalyq spektaklin tamashalaýǵa shaqyrady. 23, 28, 30 jeltoqsanda atalmysh teatr «Kúlsheqyz» mýzykalyq ertegisin kórsetedi.

28 jáne 29 jeltoqsanda Nomad City Hall sahnasynda «Sarań» spektakliniń premerasy ótedi.

23 jeltoqsannan 7 qańtarǵa deıin kún saıyn Astanalyq tsırkte «Krýella jáne jańa jyldyq elıksır» atty jańa jyldyq tsırk qoıylymyn kórýge bolady.

27-30 jeltoqsan aralyǵynda elordanyń ortalyqtandyrylǵan kitaphana júıesi «Júrekten júrekke» qaıyrymdylyq aktsııasyn ótkizedi, onyń aıasynda áleýmettik az qamtylǵan jáne kópbalaly otbasylarǵa áleýmettik kómek kórsetedi.

20-31 jeltoqsan aralyǵynda «Atameken» Qazaqstan kartasy» etno-memorıaldyq kesheniniń betterinde áleýmettik jelilerde jazýshy jáne pýblıtsıst Imanjan Muqanov, aqyn jáne jýrnalıst Eset Áýkebaev týraly tanymdyq jáne tarıhı materıaldar, Aqmola oblysynyń kıeli oryndary, álemdegi alǵashqy jáne iri «Baıqońyr» ǵarysh aılaǵy týraly dáris, sondaı-aq jańa jyldyq merekelik quttyqtaýlar jarııalanady.

Osy aptada Sáken Seıfýllın mýzeıi óz akkaýnttarynda «Mýzeı qorynan» aıdarynan zertteý, «Tar jol, taıǵaq keshý» romanynan úzindi ornalastyrady, dástúrli beıneekskýrsııa ótkizedi.

Іs-sharalardyń bári sanıtarlyq normalar men karantın talaptaryn saqtaı otyryp júrgiziledi.