Osy aptada Eýro-2012-ge irikteý aýqymynda 23 matchtyq kezdesý ótedi
ASTANA. Qyrkúıektiń 3-i. QazAqparat - Osy aptada Eýro-2012-ge irikteý aýqymynda 23 matchtyq kezdesý ótedi. Eýropanyń qazirgi chempıony ıspandyqtar Lıhteınshteın quramasymen ótetin syrtqy kezdesýinde ataǵyn saqtap qalýǵa kúsh jumsaıdy, dep habarlaıdy UEFA.com.
Iohannesbýrgtegi álem chempıonaty - 2010-nyń fınalyndaǵy trıýmftan keıingi jeti apta, bes kúnnen keıin Ispanııa óziniń alǵashqy resmı matchyn ótkizedi. Eýropa chempıony Vadýtse komandasy Lıhteınshteın quramasymen kezdesedi. Bul oıyn barlyǵy 6127 jankúıerdi syıǵyza alatyn «Raınpark» arenasynda bolady.
23 matchtyń alǵashqy kezdesýi osy aptada ótedi, beısenbide - S tobyndaǵy Izraıl men Malta quramalary kúsh synasty. Kelesi kúni Eýropa-2004 chempıony Grekııa quramasy grýzındermen kezdesedi. Grýzııa quramasy da jańadan taǵaıyndalǵan bas bapker Tımýr Ketsbaıanyń basshylyǵymen alańǵa shyǵyp, baqtaryn synap kórmek. G tobynyń úzdigi atalady dep, aldyn ala aıdar taǵylyp qoıǵan aǵylshyndyqtar óz alańynda bolgarlardy qabyldaıdy, al Gımarashta portýgaldyqtar komandasy kıprliktermen matchtyq kezdesý ótkizedi.
