Osy aptada el sportynda bolǵan erekshe oqıǵalar

Ulttyq quramanyń úzdik nátıjesi

Fýtboldan Qazaqstan quramasy Ulttar lıgasynda úzdik nátıjege qol jetkizdi. S dıvızıony úshinshi tobynda synǵa túsken qazaqstandyq fýtbolshylar elordada Ázerbaıjandy 2:0, Slovakııany syrt alańda 1:0, óz alańynda 2:1 esebimen tize búktirdi. Al Belarýspen syrt alańda 1:1 esebimen teń tússe, elordada 2:1 esebimen basym tústi. Altynshy týrda Ázerbaıjanǵa 0:3 esebimen ese jiberdi. Nátıjesinde tórt jeńis, eki teń oıyn, bir jeńilispen 13 upaı jınaǵan qazaqstandyq fýtbolshylar óz tobynda birinshi oryn aldy. Bir týr buryn V dıvızıonyna joldamaǵa qol jetkizgen olar oǵan qosa 2024 jylǵy Eýropa chempıonaty fınaldyq satysyna berileti joldamany sarapqa salýǵa múmkindik aldy.

Bıyl Qazaqstan quramasy qarsylastar qaqpasyna segiz gol soǵyp, óz qaqpasyna alty gol jiberip aldy. Týrnır barysynda el quramasynan Abat Aıymbetov 3, Aslan Darabaev, ıAn Vorogovskıı, Elhan Astanov, Mıhaıl Gabyshev, Baktıer Zaınýtdınov bir-birden gol soqty.

Týrnır barysynda qazaqstandyq fýtbolshylar 18 márte sary, 2 márte qyzyl qaǵaz aldy.

Kókjıegi keńeıgen kóshpendiler oıyndary

Túrkııanyń Iznık qalasynda Dúnıejúzilik kóshpendiler oıyndary 29 qyrkúıek pen 2 qazan aralyǵynda ótkizilýde.

Aıtýly sharaǵa 23 sport túrinen medaldar sarapqa salynýda. Oǵan álemniń 100-ge jýyq elinen sportshylar qatysyp jatyr.

Jalpy jarysta 23 sport túri qamtylǵan. Qazaqstannyń atynan 50 sportshy kókpar, kókbórú, qazaq kúresi, dástúrli sadaq atý, jamby atý saıystarynan el namysyn qorǵaýda.

Qazirge deıin Qanat Qasymhan dástúrli sadaq atýdan kúmis aldy.

Qazaqstandyq sportshylar búgin, 2 qazanda qazaq kúresi jáne kókpar, kókbóriden saıysqa túsedi.

Dúnıejúzilik kóshpendiler oıyndary 2014 jyldan beri turaqty túrde ótkizilip keledi. Alǵashqy úsheýi Qyrǵyzstannyń Sholpon-Ata qalasynda uıymdastyryldy.

Atalǵan jarysqa 2014 jyly - 19, 2016 jyly - 60, 2018 jyly - 66 memleketten sportshylar keldi. 2014-2018 jyldar aralyǵynda qazaqstandyq sportshylar barlyǵy 138 (40 altyn, 46 kúmis, 52 qola) medal alyp, jalpy esepte ekinshi orynda tur.

Tennısten ataýly týrnır jalaýyn kóterdi

Al elordada 1 qazanda Astana Open ATP 500 týrnıri jalaýyn kóterdi.

Qazaqstan tennıs federatsııasynan málim etkenindeı, irikteý saıystaryna uıymdastyrýshylardan tórt qazaqstandyq Denıs Evseev, Grıgorıı Lomakın, Aleksandr Nedovesov jáne Aryslanbek Aıtqulov arnaıy shaqyrtý aldy.

Jekeleı synda jarysty uıymdastyrýshylardan arnaıy shaqyrtý alǵan A.Nedovesov alǵashqy kezdesýinde álemniń 69-raketkasy, kolýmbııalyq Danıel Galandy 5:7, 7:6 (7:0), 6:2 esebimen utty.

Taǵy bir qazaqstandyq Denıs Evseev álemniń 65-raketkasy, belgııalyq Davıd Goffenge ese jiberdi – 1:6, 4:6.

Aryslanbek Aıtqulov reseılik Pavel Kotovtan oısyraı utyldy – 0:6, 0:6. Al Grıgorıı Lomakın túrkııalyq Altýg Chelıkbelekten aılasyn asyra almady – 3:6, 3:6.

Elordada shahmatshylar saıysqa tústi

Shahmattan FIDE (WGP) áıelder arasyndaǵy Gran-prı jarysynyń birinshi kezeńi máresine jetti. Onda elimizdiń atynan Bıbisara Asaýbaeva men Jansaıa Ábdimálik synǵa tústi.

Astana qalasynda ótken Gran-prı jarysynda qazaqstandyq shahmatshylar alǵashqy ondyqta boldy.

Jarys barysynda Jansaıa Ábdimálik besinshi oryn alsa, Bıbisara Asaýbaeva onynshy orynǵa jaıǵasty. Jarystyń sońǵy týrynda Jansaıa polshalyq Alına Kashlınskaıany jeńse, Bıbisara qytaılyq Chjý Tszınermen teń oınady.

On bir partııa nátıjesi boıynsha Jansaıa Ábdimáliktiń enshisinde 2 jeńis, 7 teń oıyn jáne 2 jeńilis bolsa, Bıbisara Asaýbaevada 1 jeńis, 7 teń oıyn jáne 3 jeńilis bar.

Gran-prı saıysyn segiz upaı jınaǵan reseılik Ekaterına Lagno jeńip aldy.