Osy aptada depýtattar ne isteıdi
ASTANA. QazAqparat - QR Ortalyq kommýnıkatsııalar qyzmetiniń resmı ókili Oksana Loskýtova Parlament depýtattarynyń osy aptadaǵy jumys josparyn jarııalady, dep xabarlaıdy QazAqparat tilshisi.
«Erteń, 27 maýsym Májiliste aqparat jáne kommýnıkatsııalar máseleleri boıynsha keıbir zańnamalyq aktilerge ózgerister men tolyqtyrýlar engizý týraly zań jobasynyń tanystyrylymy bolady. Osylaısha, elimizdegi aqparattyq baǵyttyń damýy májilismenderdiń sheshimine baılanysty bolmaq», - deıdi Loskýtova.
Al zańnama jáne sot-quqyqtyq reforma komıtetiniń jumys toby ıntellektýaldy menshik zańnamasyn jetildirý jaıyn talqyǵa salady. Budan bólek, áleýmettik-mádenı damý komıtet joǵary oqý oryndarynyń akademııalyq derbestigin pysyqtaıdy. «Sársenbi kúni Parlament Májilisiniń plenarlyq otyrysy ótedi. Sol kúni áleýmettik-mádenı damý komıtet balalardyń densaýlyǵy men damýyna zııan keltiretin aqparattardan qorǵaý máselesin qaraıdy. Al kelesi kúni balalardyń quqyqtaryn qorǵaýmen aınalysatyn uıymdardyń qyzmeti qaralady. Sondaı-aq, májilismender zardap shegýshilerge ótemaqy tóleý qorynyń máselelerin talqylaıdy», - dep atap kórsetti Loskýtova.
Aıta ketken jón, 30 maýsymda Parlament palatalarynyń birleske otyrysyn ótkizý josparlanyp otyr.
