Osy aptada bilim berý salasy qyzmetkerleriniń respýblıkalyq pedagogıkalyq keńesi óz jumysyn bastaıdy

Bul týraly búgin Astanadaǵy dástúrli brıfıngte QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

«Keńeste bilim berýdi damytýdyń 2011-2020 jyldarǵa arnalǵan memlekettik baǵdarlamasyn júzege asyrýdaǵy azamattyq qoǵam ınstıtýttarynyń róli basty nazarda bolmaq, sondaı-aq onda pedagogtarmen, ata-analarmen jáne azamattyq qoǵam ókilderimen keri baılanysty qamtamasyz etý, elimizdiń bilim berý júıesin jańǵyrtý jaǵdaıyndaǵy bilim berý men tárbıe sapasyn arttyrý sharalary qaralady»,-dedi resmı ókil.

Jıyn barysynda memlekettik baǵdarlamanyń júzege asyrylý barysy men bilim berý salasyndaǵy jańalyqtar týraly Qazaqstannyń Bilim jáne ǵylym mınıstri Baqytjan Jumaǵulov baıandap beredi.