Osy aptada Astanaǵa jaýyngerlik ónerdiń álemdik 15 grand-sheberi keledi

«Biz kóptegen paıdaly tájirıbe úırenip, aldaǵy ýaqytta óz jumysymyzǵa engize alamyz. Meniń oıymsha, bul forýmdy ótkizý Qazaqstandaǵy buqaralyq sporttyń damýyna septigin tıgizedi», - dep málim etti baspasóz máslıhaty kezinde QR Týrızm jáne sport mınıstrligi Sport komıtetiniń tóraǵasy Ilsııar Qanaǵatov.

Respýblıkalyq djıý-djıtsý men aralas jekpe-jekter federatsııasynyń prezıdenti, 8- dan, «Hanshı» ataǵynyń ıegeri Rýslan Ábdireevtiń aıtýynsha, forýmdy ótkizýdegi negizgi maqsat - shyǵys jaýyngerlik ónerin ıgerip júrgen eldiń barlyq sporttyq birlestikteriniń basyn qosý. «Federatsııalar arasynda ózderi sheshe almaǵan birqatar máseleler bar, qazir osy máselelerdiń sheshimin taba alatyn Ortalyq qurý úshin barlyq sebepter týyndady», - dep atap ótti ol.

R.Ábdireevtiń pikirinshe, Eýrazııalyq ortalyq qurý respýblıkamyzǵa jaqsy mamandardy tartýǵa múmkindik beredi, al ol óz kezginde jattyqtyrýshy quramynyń kásibıliligin arttyryp, Qazaqstandy jańa halyqaralyq deńgeıge shyǵarady.

Forýmdy uıymdastyrýshylardyń málimetine súıensek, elordamyzǵa AQSh, Ulybrıtanııa, Ońtústik Afrıka, Avstralııa, Reseı, Grýzııa men Armenııadan sheberler jınalyp, ózderiniń jeke stılderi men mektepteriniń baǵyttary jaıly oı bólisedi. Forýmnyń ashylýy L.N.Gýmılev atyndaǵy EUÝ-niń «Eýrazııa» sport kesheninde bolady, forýmǵa kirip, qatysý tegin.