Osy aptada Astanada qandaı sharalar ótedi
ASTANA. QazAqparat - Astana qalasy ákimdigi 21-27 qańtar aralyǵynda qaladaǵy mádenıet jáne sport mekemelerinde ótetin sharalar josparyn usynady.
21 - 27 qańtar kúnderi saǵat 10:00-18:00 aralyǵynda Táýelsizdik saraıynda J. Qaırattyń «Tús álemi» jeke kórmesi, Rústem Berkimbaevtyń «Úmit joly» kórkem sýret kórmesi jáne «Meniń elim - Máńgilik el» atty Astana qalasy Sýretshiler odaǵy jastar birlestiginiń kórmesi ótedi.
Al 31 qańtarǵa deıin Táýelsizdik saraıynda «Aqanaevtar áýleti» jeke kórkem kórmesin, «Áýedegi qozǵalys» qazirgi zaman óner kórmesin jáne «Antıkvarıat» kórmesin tamashalaýǵa bolady.
21 qańtardan 10 aqpanǵa deıin Qalalyq alań, «Han Shatyr» OSO aýmaǵy, Botanıkalyq baqta (saǵat 13:00 - 20:00 aralyǵynda) - «Astana Winter Land» festıvali aıasyndaǵy qysqy sharalar tsıkli ótedi.
22 qańtarda saǵat 11:00-de Q. Qýanyshbaev atyndaǵy Memlekettik akademııalyq qazaq mýzykalyq drama teatrynda «Ertóstik» halyq ertegisi qoıylady.
23 qańtar kúni saǵat 18:30-da bul teatrda Sh. Aıtmatovtyń «Aqqýdyń kóz jasy» dramasy bastalady.
22-23 qańtar kúnderi saǵat 11:00-de «Alaý» muz aıdynynda konkı tebýden Qazaqstan Respýblıkasynyń Chempıonaty (kópsaıys) ótedi.
Sondaı-aq, 23 qańtarda «Astana» kontsert zalynda saǵat 19:00-de Qazaqstannyń Halyq jazýshysy, Memlekettik syılyqtyń laýreaty Farıza Ońǵarsynovanyń 80 jyldyǵyna arnalǵan mýzykalyq-ádebı kesh ashylady.
Bul kúni Jastar teatrynda saǵat 19:00-de Q. Júnisovtyń «Alǵashqy mahabbat» komedııasy qoıylady.
24 qańtarda «Jastar» teatrynda saǵat 11:00-de G.H. Andersenniń «Qar hanshaıymy» ertegisi qoıylady.
25 qańtarda «Jastar» teatrynda saǵat 19:00-de S. Dúısenbıevtyń «Mahabbat mınıatıýralary», teatrlandyrylǵan kontserttik baǵdarlamasy bastalady.
Bul kúni Beıbitshilik jáne kelisim saraıynda 19:00-de M. Gorkıı atyndaǵy memlekettik akademııalyq orys drama teatry M. Gorkııdiń «Otets» dramasyn usynady.
26 qańtarda saǵat 18:00-de Beıbitshilik jáne kelisim saraıynda M. Gorkıı atyndaǵy memlekettik akademııalyq orys drama teatry K. Goldonıdiń «Kodjınskıe perepalkı» komedııasyn qoıady.
Qalalyq alańda saǵat 11:00, 17:00-de Muz qalashyǵyndaǵy «Kóńildi qys» qysqy kóńildi start jarysy bastalady.
26, 27 qańtar kúnderi Qýyrshaq teatrynda saǵat 12:00, 14:00 jáne 16:00-de G.H. Andersenniń «Qaıta oralǵan sý perisi» ertegisi balalar nazaryna usynylady.
27 qańtar kúni saǵat 17:00-de «Astana Opera» MOBT kameralyq zalynda
«Motsart. Debıýssı.Mahambet» kontserti bastalady.
Sonymen birge, 27 qańtar kúni «Jastar» teatrynda saǵat 19:00-de S. Qasymbektiń «Lıft» dramasy qoıylady.
