Osy aptada Astanada qandaı is-sharalar ótedi
2 jeltoqsan kúni keshke sol sahnada «Sol bir kez» retro-kontsertimen «Saryarqa» halyq mýzykasynyń ansambli óner kórsetedi.
4 jeltoqsanda «Astana Opera» teatrynyń K.Baıseıitova atyndaǵy kameralyq zalynda fılarmonııanyń «Tal besikten - jer besikke...» kameralyq horynyń qoıylymy uıymdastyrylady.
Elordalyq tsırk 3 jáne 4 jeltoqsanda aǵaıyndy Gertnerdi nemis tsırkiniń «DER ELEFANT» baǵdarlamasyna shaqyrady. Qoıylymnyń bastalýy saǵat 16:00-de.
«Atameken» Qazaqstan kartasy» etno-memorıal kesheni 1 jeltoqsanda Dúnıejúzilik JITS-men kúres kúnine oraı «Salaýatty ómir salty» taqyrybynda dáris ótkizedi.
«ALJIR» murajaı-memorıaldyq kesheni 29 qarashada «Adam saýdasy – álemniń basty máselesi» is-sharasyn, sondaı-aq balalar quqyqtary boıynsha dáris uıymdastyrady.
Sondaı-aq, 1 jáne 2 jeltoqsanda totalıtarlyq júıeniń jazyqsyz qurbandaryna arnalǵan «Asyl nannyń úzimi» jáne «Kýrt-asyl tas» dáristeri ótedi.
Sáken Seıfýllın murajaıy 30 qarashada «Tar jol, taıǵaq keshý romanynyń jelisimen» kórmesine shaqyrady.
2 jeltoqsanda mýzeı qyzmetkerleri «Mýzeıdiń ekspozıtsııalyq qurylysy» atty dáris ótkizedi.
Birneshe tanymdyq dáristerdi Tarıhı-mádenı mura eskertkishteri men nysandarynyń saqtalýyn qamtamasyz etý ortalyǵy ótkizýdi josparlap otyr.
Olar óskeleń urpaqty salaýatty ómir saltyna baýlýǵa, qazaq ulttyq oıyndaryn nasıhattaýǵa jáne urpaqtardyń rýhanı baılanysyn qalyptastyrýǵa baǵyttalǵan.
Osy aptada elordalyq teatrlar kóptegen túrli qoıylymdar daıyndady.
M. Gorkıı atyndaǵy Memlekettik akademııalyq orys drama teatry jas kórermender úshin S.Lygınniń 3 jeltoqsan kúni saǵat 11:00-de bastalatyn «Aı, da, Lenka» ertegisin sahnalaıdy.
Sol kúni keshke N.Gogoldiń «Jenıtba» komedııasy kórsetiledi.
«Naz» memlekettik bı teatrynyń ártisteri 30 qarashada saǵat 20:00-de The Ritz-Carlton-da «BAÁ ulttyq kúnin» merekeleýge arnalǵan is-sharada óner kórsetedi.
1 jeltoqsanda teatr «Biz SPID-ke, temekige, nashaqorlyqqa jáne alkogolge qarsymyz!» is-sharasyn uıymdastyrady.
2, 3 jáne 4 jeltoqsanda qýyrshaq teatrynda A.Salaevanyń «Madagaskar 3» mýltfılmi negizinde «Qala joldaryndaǵy oqıǵalar» qoıylymy kórsetiledi.
«Jastar» teatrynyń sahnasynda 1 jeltoqsan kúni saǵat 13:00 – de «Sóz ben saz» baǵdarlamasy boıynsha «Jyr darııa» kontserti, al 19:00-de «Sovremennık» teatrynyń qoıylymynda P.Genovezeniń «Ideal beıtanys adamdar» komedııasy ótedi.
2 jeltoqsanda A.Ýglovtyń zamanaýı pesanyń ortasynan «London úshburyshy» melodramasyn kórýge bolady.
30 qarashada saǵat 19:00-de Nomad City Hall-da kórermender «Charlı Chaplın» qoıylymyna shaqyrylady.
3 jeltoqsanda sahnada «Mızerı» spektakli, al 4 jeltoqsanda – Imram tobynyń etno-fıýjn kontserti kórsetiledi.
Jas kórermender mýzyka teatry 1 jeltoqsanda «Shámshi» mıýzıkline shaqyrady.
Bir kúnnen keıin «Mahabbat bar ma?» lırıkalyq komedııasy kórsetiledi.
4 jeltoqsanda kórermender «Únsizdik» spektaklin tamashalaı alady.
Elordalyq kitaphanalar osy aptada oqyrmandardyń salaýatty ómir salty men óz densaýlyǵyna degen oń kózqarasyn qalyptastyrýǵa baǵyttalǵan ádebı saǵattar, kórme-áńgime uıymdastyrady.