Osventsım qaqpasyndaǵy jazý tapsyryspen urlanǵan bolyp shyqty
ASTANA. Jeltoqsannyń 23-i. QazAqparat - Osventsımdegi "Aýshvıts-Bırkenaý" murajaıynyń bas qaqpasyndaǵy "Arbeit macht frei" /"Eńbek adamdy azat etedi"/ degen temir jazý shved kollektsıoneriniń tapsyrysy boıynsha urlanǵan bolyp shyqty.
Bul týraly beısenbi kúni polıtsııadaǵy derek kózge silteme jasap polıaktyń TVN 24. jańalyqtar telearnasy habarlady.
Jazýdy urlaǵan qylmyskerlerdiń ony Polshanyń ońtústiginen soltústikke qaraı, júzdegen shaqyrym jerdegi Baltyq jaǵalaýy aýdanyna aparýy osy jaıtty túsindiredi. Olar temir jazýdy dál sol mańnan temiz paromyna tıep, tapsyrys berýshige jetkizýdi oılaǵan, deıdi telearna.
Tarıhı jazý úshin qylmyskerler 10 myńnan 30 myń eýroǵa deıingi aralyqta syıaqy alatyn bolǵan.
Polıak polıtsııasy osynaý qylmysty uıymdastyrýda araǵaıyn bolǵan shved azamatynyń tulǵasyn anyqtaǵan. Biraq onyń aty-jóni ázirge jarııalanbaı otyr.
