Ósimdik maıyn tańbalaý boıynsha pılottyq joba bastalady
ASTANA. KAZINFORM — 2025 jyldyń qyrkúıek aıynda Qazaqstanda ósimdik maıyn tańbalaý boıynsha pılottyq joba iske qosylady. Bul týraly AShM baspasóz qyzmeti habarlady.
Tıisti buıryqqa Aýyl sharýashylyǵy mınıstri qol qoıdy. Bul bastama ósimdik maıyn óndirý jáne aınalym salasyna zamanaýı tsıfrlyq qadaǵalaý quraldaryn engizýge baǵyttalǵan.
Pılottyq joba aıasynda ósimdik maıy jáne onyń fraktsııalary tańbalanady. Negizgi mindet – yqtımal tehnıkalyq jáne uıymdastyrýshylyq táýekelderdi anyqtaý, jekelegen protsesterdi jetildirý qajettiligin baǵalaý jáne mindetti tańbalaýdyń normatıvtik ári ádistemelik bazasyn jetildirý boıynsha usynystar ázirleý.
Naryq qatysýshylary júıeniń fýnktsıonalyn tegin synaqtan ótkize alady, tańbalaýdy qoldanystaǵy óndiristik protsesterge engizýdi pysyqtaıdy, sondaı-aq tańbalaý kodtaryn engizýdiń ártúrli tásilderin baqylaý.
Tańbalaýdyń maqsaty – tutynýshylardyń quqyqtaryn qorǵaý, ónimniń zańsyz aınalymyna qarsy kúres, jetkizilim tizbeginiń ashyqtyǵyn arttyrý jáne qazaqstandyq óndirýshilerdiń básekege qabilettiligin kúsheıtý.
Pılottyq jobanyń qorytyndysy boıynsha Úkimet ósimdik maıyn mindetti túrde tańbalaýdy engizý týraly sheshim qabyldaıdy.
Aıta ketelik elde ósimdik maıyn óndirý kólemi artty.