Osman ımperııasynyń ot qarýy tabyldy
Sarapshylar bul zeńbirektiń Osman ımperııasynyń Jerorta teńizindegi flotyna tıesili kemelerdiń birine ornalastyrylǵanyn aıtady. Olar bul ot qarýdy 1914 jyly tutanǵan Birinshi dúnıejúzilik soǵys kezinde paıdalanylǵan kórinedi.
Zeńbirektiń salmaǵy - 8,5 tonna, al uzyndyǵy -7 metr. Zeńbirek 1910 jyly jasalǵan, dep habarlaıdy muslim.kz.
Osman ımperııasynyń qarýly kúshteriniń beıbit ýaqytta memleketke qyzmet etetin (nızam) jáne rezevtegi (redıf) bolyp ekige bólingenin aıta ketý kerek. Alty aımaqqa bólingen Osman qaǵanatynyń ár aımaǵynyń óz áskeri bolǵan. 20-25 jas aralyǵyndaǵy sarbazdar otan aldyndaǵy paryzyn 12 jyl óteıtin. Al, ásker qataryna jylyna 25 myń adam shaqyrylyp turǵan. Jaıaý ásker men kavalerııa frantsýzdyq úlgidegi erejege baǵynatyn. Ár kavalerlik polk 6 eskadronǵa bólinetin. Eki flangilik eskadron karabınmen, keıinirek shtýtsermen qarýlanǵan edi. Al olardyń tórteýi aǵashtan jasalǵan uzyn sapty naızamen jaraqtandyrylatyn. Ár eskadron 4 vzvodtqa bólingen.
Artıllerııa dalalyq, jaǵalaýdaǵy jáne qamaldaǵy bolyp bólinetin. Onyń ózi prýssııalyq úlgi boıynsha uıymdastyrylǵan. Qarý arsenalynda mystan quıylǵan kóne zeńbirekten bastap, ıir oıyqty oqpany bar osy zamanǵy zeńbirekke deıin kezdesetin.
Rezervtegi jaýyngerler memleketke qyzmet etetin sarbazdar qatarynda paryzyn ótegenderden turdy. Olarǵa demalysqa shyǵyp, aptasyna bir márte jınalatyn.
