Osman áýletiniń sońǵy ókili qaıtys boldy
ASTANA. 5 sáýir. QazAqparat - Osman ımperııasyn basqarǵan áýlettiń sońǵy ókili Fatma Nazlıshah Osmanoglý Sultan (Fatma Neslişah Osmanoğlu Sultan) 2012 jyldyń 2 sáýirinde 92 jasynda qaıtys boldy.
Bul týraly Agence France-Presse habarlady, dep jazdy Lenta. rý.
Túrkııanyń Prezıdenti Abdolla Gúl men Premer-Mınıstr Redjep Taııp Erdoǵan Nazlıshah Sultannyń týystaryna kóńil aıtty.
Sultan Osman ımperııasynyń jáne Mysyrdyń hanshaıymy ataǵyna ıe boldy. Ol Osman ımperııasynyń sońǵy sultany VI Mehmedtiń nemeresi jáne 1923 jylǵa deıin búkil álemge máshhúr bolǵan ımperııanyń resmı túrde qulamaı turǵan kezinde týǵan áýlettegi sońǵy bala bolǵan.
Aıta keteıik, Osman ımperııasynyń sultandarynyń áýleti 1924 jyly qýǵynǵa ushyraǵan. Tek HH ǵasyrdyń 50-shi jyldarynda ǵana Osmandyqtarǵa Túrkııaǵa qaıtýǵa ruqsat berildi, al er adamdaryn 1974 jylǵa deıin elge kirgizbegen.
Osman ımperııasy tarıhtaǵy eń myqty ári uzaq ómir súrgen ımperııalardyń biri. Ol 1299 jyldan bastap 1923 jylǵa deıin ómir súrgen, Azııanyń aýqymdy aýmaǵyna, Soltústik Afrıkaǵa jáne Eýropanyń ońtústigine bıligin júrgizgen.
