Oslodaǵy AQSh elshiliginde jarylys boldy

ASTANA. KAZINFORM — Jeksenbi kúni tańerteń Oslodaǵy Amerıka elshiliginiń janynda qatty jarylys estildi, dep habarlaıdy Report.

Oqys oqıǵa týraly Norvegııa polıtsııasy málimdedi. 

Ázirge jarylysqa ne sebep bolǵany jáne kimniń qatysy bolýy múmkin ekeni belgisiz. Polıtsııa elshilikpen únemi baılanys ornatyp otyr. Jarylystan zardap shekkender týraly aqparat túsken joq.

Taıaý Shyǵysta Iran men AQSh arasyndaǵy soǵys qaýpi kúsheıgendikten, aqpan aıynda Norvegııa óz áskerin osy aımaqtan shyǵarý týraly sheshimin qabyldady.

Buǵan deıin Sırııanyń Sýveıde provıntsııasynda jarylys boldy.