Osloda júrgizýshisiz elektr avtobýsy iske qosyldy

OSLO. QazAqparat - Osloda 11 oryndyq júrgizýshisiz avtobýs iske qosyldy, dep habarlaıdy «QazAqparat» HAA menshikti tilshisi.

Saltanatty rásimge qatysqan Norvegııa astanasynyń meri Marıanna Borgen atalǵan kólik quraly sátti paıdalanylǵan jaǵdaıda keńeıtilýi josparlanyp otyrǵan pılottyq joba ekenin atap ótti.

Taǵy bir ereksheligi - kólik quraly elektrondy. Ázirge elektr avtobýsynyń qozǵalysyn jolaýshylarǵa qyzmet kórsetetin maman baǵyttap otyrady, qajet bolǵan jaǵdaıda ol kólikti júrgizýge daıyn bolady.

Buǵan deıin mundaı joba eldiń ońtústiginde synnan ótken bolatyn. Onda avtobýstar jolaýshylardy 2 km qashyqtyqqa tasymaldady.

Avtor: Ilııas Omarov