Osloda Nobel syılyǵynyń laýreattary belgili boldy

ASTANA. QazAqparat - 2018 jylǵy álemdik Nobel syılyǵy Kongo Demokratııalyq Respýblıkasynyń hırýrg dárigeri Denı Mýkvege jáne ıraktyq quqyq qorǵaýshy, DAISh tobyndaǵy lańkesterdiń kúńi bolǵan Nade Mýradqa berildi. Bul týraly juma kúni Norvegııalyq Nobel komıteti málim etti, dep jazady TASS.

Syılyq «Seksýaldy zorlyqty soǵys jáne qarýly qaqtyǵystardyń qarýy retinde paıdalanýdy toqtatýǵa jumsaǵan kúsh-jigeri úshin» taǵaıyndalǵan.

«Olar áskerı qylmystarmen kúresip, odan qurban bolǵandar úshin ádildiktiń ornaýyna qol jetkizgen» delingen komıtet habarlamasynda.

Álemdik Nobel syılyǵy alǵash ret 1901 jyly taǵaıyndalǵan. Ol 98 ret berildi, 131 laýreaty bar. Bul atalymdaǵy jeńimpaz atalmaǵan jyldar da bolǵan (sońǵy ret - 1972 jyly). Oǵan Birinshi jáne Ekinshi dúnıejúzilik soǵystar, komıtet músheleri arasyndaǵy kelispeýshilikter jáne «laıyqty kandıdattardyń bolmaýy» sebep boldy.

2018 jylǵy syılyqtyń aqshalaı kólemi 9 mln kronany (1,02 mln.) quraǵan. Álemdik syılyq laýreattary alǵan aqshasyn qaıyrymdylyqqa jumsaıdy.

Syılyqty tabystaý rásimi Oslo qalasynda 10 jeltoqsan - Nobel qaıtys bolǵan kúni ótkiziledi. El úkimeti men Norvegııa koroliniń otbasy músheleri qatysatyn saltanatty rásim Oslo-ford jaǵalaýynda ornalasqan qalalyq ratýshada ótedi.