Osloda Qazaqstan dıplomattary Norvegııany fashızmnen azat etken sarbazdarǵa taǵzym etti
Dıplomatııalyq mıssııalar, ardagerler qozǵalystary jáne jurtshylyq ókilderi qatysqan saltanatty rásimdi Norvegııanyń Koroldik gvardııasy Qurmetti qaraýylynyń kerneıshisi ashty.
Sodan soń, Reseı Federatsııasynyń Norvegııadaǵy Elshisi Teımýraz Ramıshvılı Ekinshi dúnıejúzilik soǵystaǵy Jeńiske úles qosqan barlyq halyqtarǵa alǵys bildirdi. Ol soǵys jyldary 27 mıllıon SSSR azamaty ajal qushqanyn, onyń 2/3 deni beıbit adamdar bolǵanyn atap ótti.
Oslodaǵy zıratta Ekinshi dúnıejúzilik soǵys jyldary Norvegııada qaza tapqan 347 keńes sarbazyna eskertkish ornatylǵan. Onda «Norvegııa sizderge alǵys bildiredi» degen jazý bar.
Dál osy kúni Qazaqstan dıplomattary Serbııa elshisi Sýzanna Boshkovıch-Prodanovıchpen birge Ekinshi dúnıejúzilik soǵys kezinde Norvegııada kóz jumǵan ıÝgoslavııa partızandarynyń obelıskisine gúl shoqtaryn qoıdy.
Sondaı-aq búgin Norvegııa qalalarynda qalyptasqan dástúr boıynsha sherýler ótedi.
Bıyl kúzde Norvegııanyń fashızmnen azat etilgenine 75 jyl tolady. 1944 jylǵy 7 qazannan bastap 1 qarashaǵa deıin Petsamo-Kırkenes operatsııasy barysynda - Qyzyl Ásker jáne ÁTF kúshteriniń vermaht áskerlerine qarsy shabýyldaýshy áreketterinde, onyń ishinde Ekinshi dúnıejúzilik soǵys kezinde Norvegııanyń soltústigin azat etýde - norveg jerinde 2,1 myń keńes jaýyngeriniń ómiri qıyldy. Olardyń arasynda qazaqstandyqtar da bar.
Al Ekinshi dúnıejúzilik soǵys jyldary fashıstik lagerler júıesi arqyly Norvegııadan SSSR-dyń 100 myń áskerı tutqyny, negizinen Qyzyl áskerdiń sarbazdary men ofıtserleri ótken. Olardyń 13,7 myńy norveg jerinde kóz jumǵan. Búginge deıin Norvegııa zertteýshileri 7 myńnan astam adamnyń aty-jónderin anyqtaı aldy.
Norvegııa Ekinshi dúnıejúzilik soǵys kezinde 10,3 adamynan aıyryldy. Olardyń ishinde, 2 749 áskerı qyzmetker bolǵan (405 Toıtarys berý jaýyngerin qosqanda).
Avtory Іlııas Omarov
